SARI CULINARIآشپزی مازندران

گه کماج خله دوست دارننی، بَپِرین بورین دِ تا لیوان چایی دکنین، هنیشیم با هم بخریم! :)
شمه نوشی جان!

مواد لازم:
دونه آرد......3 تا قاشق
گندم آرد.....اتا قاشق
شیر.......... اتا لیوان
مرغنه....... اتا کِل
زردیجه...... اتا قاشق
شکر...... به مقدار لازم
او ....... به مقدار لازم
راغون به مقدار لازم

طرز تهیه:
مه جان رفقون اول دونه آردِ، شیر دله کِنِنی و هی زننی تا ونه دله حل باوه، بعد گندم آرد به این مواد اضافه کننی و متعاقباً شکر و زردیجه ره به مواد قبلی اضافه کِننی ، انّه هی زننی تا مواد به خورد همدیگه بوره، میزان شکر به شیرین کتاری شما بستگی دارنه ولی هرچی کمتر دکنین بهتره، بعد اینکه نیم ساعت شمه مواد استراحت هکرده، مرغنه ره به مواد قبلی اضافه کننی ، اگه مواد خله سفت هسّه توننی اَت کم او ونه دله دکنین تا شِل باوه، یا اگه خله شل بیّه توننی ونه دله ات کم آرد دکنین ، بعد اینکه مواد خار خار هی بزوننی ونه اتا مایع بدست بیّه که نا خله سفت بوئه نا خله شل!
اتا لاغلی دله راغون دکنین تا داغ باوّه، بعد اتا ملاقه جا مایع ره راغون درون کننی (اتا لایه نازک بوئه) لاغلی درپوشِ بلّین و وِنه سو ره کم هکنین تا نم نم سو سرخ باوه ، بعد اینکه اتا طرف سرخ بیّه، توننی وره پشت و رو هکنین ، به همین ترتیب اینتا کار ره ادامه هدین تا همه مواد تموم باوّه

نقل از ما زرونی ها 

هَلی نازخاتون

مواد لازم:
هلی....اتا کیلو
کَچِلیک.... نیم کیلو
ریحون نازخاتونی....3 تا دسته
امضناء.... اتا دسته
جفری.... اتا دسته
سیر.... 2 تا کال
کولِک نِمِک....به مقدار لازم

.

هلی ناز خاتون

طرز تهیه:
مه جانِ رفقون، اول هلی ره بَپِجین، وره آبکش بزِنین و ونه تیمِ و پوستِ سیوا هکنین و وِنه شیره ره بَیرین، بعد کچِلیکِ بَپِزین و وره چرخ هکنِن و دَکِنین هَلی شیره دله، سبزی ره خوار خوار پاک هکنین و به همراه سیر بَسویین و به مواد قبلی اضافه هکنین و هی (بِهم) بَزنین تا خوار خوار قاطی باوّه، سر آخر هم ونه دله کولِک نِمک دَکِنین و بهلین یخچال دله تا بچا بچا باوّه بعد نوشِ جان هکنین، شمه اِشکم دور.
1. حتماً هلی نازخاتونِِ کچِلیکِ جا دِرِست هکِنین، اگه از وینگوم(بادمجون) استفاده هکنین بی مزه بونه.
2. حتماً ترش هلی جا اینتا نازخاتونِ دِرِست هکنین بیشتر مزه دارنه :

L